Azərbaycan, Bakı, 08 sentyabr / Trend , müxbir N.İsmayılova /
Azərbaycanda "vahid pəncərə" sistemi vasitəsilə avqust ayında Asiyanın konsaltinq şirkəti Ace Consultants Ltd qeydiyyatdan keçib, bu barədə Azərbaycan Vergilər Nazirliyinin "vahid pəncərə" bölməsində deyilir.
Onun təsisçisi Banqladeşin Ace Consultants Ltd şirkətidir. Təşkilat vergi orqanlarında 2009-cu ilin avqsutun 25-də qeydiyyatdan keçib.
ACE Consultants Ltd Banqladeşdə uzun müddət fəaliyyət göstərən şirkətdir. O, öz fəaliyyətinə 1958-ci ildə Associated Consulting Engineers Ltd. kimi başlayıb. 1977-ci ildə şirkət özəlləşdirilib və səhmdar cəmiyyət kimi qeydiyyatdan keçib. 2002-ci ildə o, ACE Consultants Ltd. adlandırılıb.
Şirkət Dünya Bankı, Beynəlxalq İnkişaf Assosiasiyası, Asiya İnkişaf Bankı, BMT-nin İnkişaf Bankı, Avropa Komissiyası və BMT-nin Ərzaq və Kənd Təsərrüfatı Təşkilatı kimi təşkilatlar ilə birgə fəaliyyət göstərir.
Məqalə müəllifi ilə əlaqə ünvanı: [email protected]
