Azərbaycan, Bakı, 09 sentyabr / Trend , müxbir Ü.İsmayılova /
Azərbaycan Respublikası Dövlət Sosial Müdafiə Fondu dünya maliyyə böhranına görə pensiya ödəmələrində problem hiss etmir. Bu barədə çərşənbə günü fond sədrinin müavini Elman Mehdiyev deyib.
"Dövlət fondu hər ay heç bir yubanma olmadan bütün təqaüdçüləri pensiya müavinətləri ilə təmin edir", - Mehtiyev deyib.
Onun sözlərinə görə, fond müntəzəm və vaxtında məcburi sosial sığorta üzrə tutulmaları alır və bununla əlaqədar olaraq pensiya ödəmələrinin maliyyələşdirilməsində problem yaranmır.
Mehdiyev deyib ki, yalnız bu və ya digər səbəbdən öz fəaliyyətini dayandırmış təşkilatlarla problem var və onların borcları işi tam bərpa edənədək dondurulub.
"Dövlət Sosial Müdafiə Fonduna 2008-ci ilin yanvar-oktyabr aylarında məcburi sosial sığorta tutulmaları üzrə büdcə təşkilatları 96 milyon manat borcludurlar. Bu da fondun büdcə defisitinə gətirib", - bir müddət əvvəl fondun rəhbəri Səlim Müslümov deyib.
Fondun büdcəsində 2009-cu ilə məcburi sosial sığorta üzrə yığılmalar 1,27 milyard manat səviyyəsindədir. Özəl sektordan yığılmaların həcminin artımı 35,6 faiz səviyyəsində gözlənilir.
2009-cu ildə məcburi sığorta üzrə tutulmaların yığımı ilə bağlı problem, xüsusən də gələn ildən müqavilə üzrə işçilərin haqlarının ödəmələrinə cəlbolunma ilə əlaqədar olaraq özəl sektorda ola bilər. Sonuncular 30-40 min nəfərdirlər.
Azərbaycanda əmək pensiyasının minimum səviyyəsi 75 manatdır. Ölkədə pensiyanın üç növü var: əmək pensiyası, yaşa görə və ailə başçısının itirilməsinə görə verilən pensiya.
Sentyabrın 09-na olan rəsmi məzənnə 0,8035 AZN/USD təşkil edir.
Məqalə müəllifi ilə əlaqə ünvanı: [email protected]
