Azərbaycan, Bakı, 11 sentyabr / Trend , müxbir Ü.İsmayılova /
Azərbaycanda avqust ayında tikinti materiallarının qiymətləri 2,7 faiz qalxıb. Bu barədə cümə günü "Əmlak bazarının iştirakçıları" İctimai Birliyindən məlumat verilib.
İlin əvvəlindən tikinti materiallarının qiymətləri 4,4 faiz, ötən ilin analoji dövrünə nisbətən isə 41,8 faiz azalıb.
Ötən ay 38 adda və 91 növdə tikinti materialları üzrə monitorinq aparılıb. Onlardan 14-də qiymət artımı, 17-də azalma, 60-da isə qiymətlərin sabit qalması müşahidə olunub.
Avqustda tikinti qumu 19 faiz, armatur 2 faiz, şveller 7,1 faiz artıb. Bununla belə, dəmir layların qiymətləri 2,9 faiz, sink layların qiymətləri isə 2,4 faiz azalıb.
Məqalə müəllifi ilə əlaqə ünvanı: [email protected]