Azərbaycan, Bakı, 14 oktyabr / Trend , müxbir N.İsmayılova/
Azərbaycanın Əmanətlərin Sığortası Fondunun aktivləri oktyabrın 1-nə 16,3 milyon manat təşkil edib, bu barədə çərşənbə günü fondun icraçı direktoru Azad Cavadov bildirib.
"Üçüncü rüb ərzində hüquqi şəxslərin Azərbaycan banklarında əmanətləri üç faiz artaraq 1,984 milyard manata çatıb. Onların 1,377 milyard manatı fond tərəfindən sığortalanıb", - Cavadov jurnalistlərə Bakıda "MDB-nin maliyyə və bank sistemlərinin dayanıqlılığının yüksəldilməsi" mövzusunda II Beynəlxalq Bank Konfransında bildirib.
Onun sözlərinə əsasən, ilin sonuna kimi fondun aktivləri Almaniyanın KfW İnkişaf Bankının beş milyon avro həcmində krediti və əlavə iki milyon manat gəlir hesabına 23-24 milyon manat təşkil etməlidir.
"Bir bankın payına 16 milyon manat sığortalanmış depozit düşür", - Cavadov bildirib.
"Hazırda əmanətlərin artırılması müşahidə olunur, onların dərəcəsi 15 faizi ötür və hazırda 600 milyon manat təşkil edir", - Cavadov bildirib.
TREND İnformasiya Agentliyi Beynəlxalq Bank Konfransına informasiya dəstəyi göstərir
Məqalə müəllifi ilə əlaqə ünvanı: [email protected]
