Azərbaycan, Bakı, 22 oktyabr / Trend /
Yanvar-avqust aylarında Azərbaycana təxminən 43 min minik avtomobili idxal olunub ki, bu da ötən ilin analoji göstəricisindən 21,2 faiz azdır, Dövlət Statistika Komitəsindən bildirilib.
Dövlət Statistika Komitəsinin məlumatlarına əsasən, bu dövr ərzində ölkəyə gətirilən minik avtomobillərinin ümumi dəyəri təxminən 301 milyon dollar təşkil edib ki, bu da ötən ilin analoji göstəricisindən 26,7 faiz azdır.
Yanvar-avqust aylarında Azərbaycana təxminən 4,3 min yük maşını idxal olunub ki, bu da ötən ilin göstəricisindən 40,1 faiz azdır. İdxal olunan avtomobillərin ümumi dəyəri təxminən 56 milyon dollar təşkil edib ki, bu da ötən ilin analoji göstəricisindən 66,6 faiz azdır.
Yanvar-avqust aylarında respublikaya 740 avtobus idxal olunub. Bu isə 2008-ci ilin analoji göstəricisindən 30,6 faiz azdır. Bu dövr ərzində təxminən 35 milyon dollar həcmində avtobus idxal olunub ki, bu da ötən ilin yanvar-avqust aylarındakı göstəricidən 1,6 faiz azdır.
