Azərbaycan, Bakı, 26 oktyabr / Trend , müxbir Ü.İsmayılova/
Azərbaycan Dövlət Arxitektura və Şəhərsalma Komitəsi arxitektura şəhərsalma normalarına riayyət olunmasına nəzarət üzrə Abşeron rayonunda keçirilən monitorinqlərin nəticələrini müzakirə etməyi planlaşdırır, bu barədə bazar ertəsi Komitənin informasiya və beynəlxalq əlaqələr şöbəsinin müdiri Cahangir Qocayev məlumat verib.
"Müzakirələr kollegiyanın bu həftə keçirilən, yanvar-sentyabr aylarında fəaliyyət yekunlarına həsr olunan iclasında aparılacaq", - Qocayev bildirib.
Onun sözlərinə əsasən, iclas zamanı seysmik göstəricilərə cavab verən tikinti norma və qaydalarına əlavə və dəyişiklərin edilməsi məsələsi nəzərdən keçiriləcək və layihələndirmə işləri üzrə üç qiymət məcmuəsinin təsdiqlənməsi gözlənilir.
Azərbaycan Dövlət Arxitektura və Şəhərsalma Komitəsi şəhərsalma və arxitektura normalarına dövlət nəzarətinin həyata keçirilməsi qaydalarına müvafiq olaraq avqustun əvvəlindən Abşeron rayonunda şəhərsalma və şəhərsalma sənədlərinin icrası üzrə qanunvericiliyin gözlənilməsinə dair yoxlamalar həyata keçirib.
Bu dövr ərzində Dövlət Komitəsi lisenziyanın tələblərinə uyğun olaraq bəzi fəaliyyət növlərinə icazə alan şirkətlərdə yoxlamalar keçirib.
Yoxlamaların həyata keçirildiyi hüquqi şəxslər arasında "Ata inşaat", "Ziyəddinoğlu","İnkişaf-L& V İnşaat", "YL İnşaat LTD", "Erenport İnşaat Sanayi ve Ticaret Anonim Şirketi", "Şinkar" İnşaat firması", "Füsal-F" Firması, "AZTEG", "Studiya İnter Dizayn", "Şirvan-S","Stil Mühəndislik" və "Azəri Firması" olub.
Məqalə müəllifi ilə əlaqə ünvanı: [email protected]
