Azərbaycan, Bakı, 29 oktyabr / Trend , müxbir Ü.İsmayılova /
Azərbaycanın Dövlət Sığorta Kommersiya Şirkəti AzərSığorta oktyabrın 14-də Azərbaycan Maliyyə Nazirliyindən sığorta fəaliyyəti üzrə müddətsiz lisenziya alıb, bu barədə rəsmi mətbuatda yerləşdirilən məlumatda deyilir.
"Azərsığorta" şirkəti 1992-ci ildə, Sovet İttifaqı dağıldıqdan sonra keçmiş dövlət sığortasının bazasında yaradılıb. Şirkət ölkənin bütün şəhər və rayonlarında 80 sığorta agentliyinə sahibdir. Şirkət 10 icbari və 27 könüllü sığorta növü üzrə xidmət göstərir. Yanvar-sentyabr aylarındakı fəaliyyət yekunlarına əsasən, şirkət 19,64 milyon manat həcmində haqq toplayıb, ödənişləri isə 9,91 milyon manat təşkil edib.
Azərbaycan Dövlət Sığorta Şirkətinin sığorta fəaliyyəti üzrə müddətsiz lisenziya alması 2008-ci ilin mart ayında təsdiqlənən "Sığrorta fəaliyyəti haqqında" qanunla nəzərdə tutulub. Azərbaycan sığorta fəaliyyəti üzrə müddətsiz lisenziyanı Bakı Sığorta, Revan Sığorta, AIG Caspian Insurance Company, MBASK, Emrah Sığorta, Günay Sığorta, Azərgarant Sigorta alıb.
