Azərbaycan, Bakı, 09 noyabr / Trend , müxbir N.İsmayılova /
Bakıda noyabrın 11-də "Alman texnologiyalarının ətraf mühitin təmizlənməsi zamanı tətbiqi" mövzusunda biznes forum keçiriləcək, bu barədə bazar ertəsi Almaniya-Azərbaycan İqtisadi Birliyindən (DAWF) bildirilib.
"Biznes-forum Almaniyanın içməli su, məişət tullantı sularının təmizlənməsi və onların zərərsizləşdirilməsi sahəsində beynəlxalq səviyyədə fəaliyyət göstərən layihə və mühəndis şirkəti BAMAG-ın təşəbbüsü və iştirakı ilə təşkil olunacaq", - DAWF-dan bildirilib.
Forumda məişət və sənaye tullantı sularının təmizlənməsi mövzusunda ekspertlər arasında dialoqun aparılması gözlənilir.
Tədbirdə BAMAG şirkətinin İdarə Heyətinin sədri Piter Şpiysin iştirakı gözlənilir.
Məqalə müəllifi ilə əlaqə ünvanı: [email protected]