Azərbaycan, Bakı, 17 noyabr / Trend , müxbir İ.Xəlilova/
Azərbaycan höküməti Fransanın BNP Paribas bankı ilə Muğanlıdan Yevlax istiqamətində (M3 avtomagistralının üçüncü hissəsi) və Yevlax-Zaqatala-Gürcüstan sərhədi istiqamətində (M-4 hissəsi) inşa layihəsinin maliyyələşdirilməsi şərtlərinin yenilənməsi üzrə yeni kredit müqaviləsi imzalamağa hazırlaşır. Bu barədə çərşənbə axşamı ölkə hökümətindən deyilib.
"Nəqliyyat və Maliyyə nazirlikləri bankın kredit şərtləri ilə razılaşdıqdan sonra, layihə razılaşmasını imzalamaq gələcək hüquqların alınması məqsədi ilə Nazirlər Kabinetinə təqdim ediblər", - mənbə deyib.
Kredit şərtlərinə yenidən baxılmaqla yanaşı, BNP Paribas eyni zamanda Azərbaycan hökümətinə maliyyələşdirmə həcmini əvvəl təsdiqlənmiş 320 milyon dollardan 270 milyon dollaradək azaltmağı təklif edib.
"Əvvəlcə kommersiya banklarından maliyyənin çatışmayan hissəsinin cəlb edilməsi planlaşdırılıb, lakin sonrakı razılaşmalara müvafiq olaraq işlərin hamısı BNP Paribus kreditləri çərçivəsində və Azərbaycanın işgüzar iştirakı ilə həyata keçiriləcək", - hökümətdən bildirilib.
Bu yol layihələrinin həyata keçirilməsi üçün 320 milyon dolların ayrılması barədə BNP Paribas və Azərbaycanın Nəqliyyat Nazirliyi arasında kredit müqaviləsi 2008-ci il iyunun 13-də Bakıda imzalanıb. Fransa bankı maliyyə yardımını İsrailin ASHRA sığorta korporasiyasının dəstəyi ilə təqdim edib. Müqavilənin şərtlərinə əsasən, kreit dörd il güzəştli olmaqla 14 il müddətinə, illik libor+0,45 faiz dərəcəsi ilə təqdim edilib. İnşa işlərinin dörd il ərzində başa çatdırılması planlaşdırılır.
Muğanlı-Yevlax avtomobil yolunun uzunluğu 156 km, Yevlax-Zaqatala-Gürcüstan sərrhəd yolunun uzunluğu isə 164 km təşkil edir.
Bu yol layihəsi üzrə BNP Paribus ilə birinci krdit müqaviləsidir.
Məqalə müəllifi ilə əlaqə ünvanı: [email protected]