Azərbaycan, Bakı, 18 oktyabr / Trend /
Biləcəri-Xırdalan sahəsində (Biləcəri-Binəqədi) dəmiryolu keçidi altında tunelin inşası ilə əlaqədar olaraq bu gündən etibarən bu istiqamətdə nəqliyyat vasitələrinin hərəkəti bir ay müddətinə dayandırılacaq. Bu barədə Trend -a Azərbaycan Nəqliyyat Nazirliyinin "Azəryolservis" ASC-dən bildirilib.
"Hərəkət hələ dayandırılmayıb, lakin gün ərzində bu proses həyata keçiriləcək", - "Azəryolservis"dən bildirilib.
Nəqliyyat Nazirliyi vətəndaşlardan bu müddət ərzində alternativ marşrutlardan istifadə etməyi xahiş edir.