Azərbaycan, Bakı, 21 noyabr / Trend , müxbir Ü.İsmayılova/
Yanvar-oktyabr aylarında Azərbaycana MDB ölkələrindən 1,54 milyard dollar məbləğində əmtəə idxal olunub ki, bu da ölkənin ümumi idxalının 31,22 faizini təşkil edib. Bu barədə şənbə günü Dövlət Gömrük Komitəsindən bildirilib.
MDB-dən Azərbaycana dənli bitkilər (ümumi idxalın 11,09 faizi), quru nəqliyyat vasitələri (8,16 faiz), elektrik maşınları, avadanlıq və onların ehtiyat hissələri (9,26 faiz) və s. idxal olunub.
Azərbaycandan MDB ölkələrinə əmtəə ixracı 1,32 milyard dollar məbləğində həyata keçirilib (ölkə ixracının 11,46 faizi).
MDB ölkələrinə əsasən mineral yanacaq, neft məhsulları, bitum mineralları (ümumi ixracın 50,19 faizi), meyvə (4,67 faiz), heyvan və bitki yağları (7,58 faiz) və s. ixrac olunub.
MDB ölkələri ilə ixrac-idxal əməliyyatları üzrə 222,76 milyon dollar məbləğində mənfi qalıq yaranıb.
Məqalə müəllifi ilə əlaqə ünvanı: [email protected]
