Azərbaycan, Bakı, 19 yanvar / Trend , müxbir Ü.İsmayılova/
"Alfa Sığorta" ASC-nin haqları 2009-cu ilin fəaliyyət yekunları üzrə 0,27 milyon manatlıq ödəmələrlə 1 milyon manata yaxın təşkil edib. Bu barədə çərşənbə axşamı şirkətdən məlumat verilib.
"Şirkətin haqları il ərzində 24%, ödəmələri isə 21% azalıb", - şirkətdən deyilib.
"Alfa Sığorta" ASC-dəki mənbənin sözlərinə görə, şirkətin haqları əsasən iki növ sığortanın - avtomobil sığortası və bədbəxt hadisələrdən sığortanın hesabına formalaşır.
"Alfa Sığorta" ASC 1997-ci il avqust ayında "Murad" SŞ adı altında qeydiyyatdan keçib və dövlət qeydiyyatı haqqında sertifikat alıb. 2005-ci il yanvar ayında yeni təsisçi şirkəti əldə edib və nizamnamə kapitalını 0,6 milyon manatadək artırıb. 2005-ci ilin iyun ayında şirkət "Alfa Sığorta" MMC adı altında təkrar qeydiyyatdan keçib. 2006-cı ilin dekabr ayında şirkətin səhmlərinin 100%-i "Texnikabank" ASC tərəfindən alınıb. Şirkətin nizamnamə kapitalı 3,1 milyon manat təşkil edir. Şirkət sığortanın 5 icbari və 21 könüllü növü üzrə xidmət göstərir.
