Azərbaycan, Bakı, 09 fevral / Trend , müxbir E.İsmayılov/
Kürdəmir-Ucar avtomobil yolunun yenidən qurulması üzrə işlər bu ilin ortalarında başa çatmalıdır. Bu barədə çərşənbə axşamı Nəqliyyat Nazirliyindəki mənbə bildirib. Bərpa işləri aparılan yolun uzunluğu 42 kilometrdir.
"Hazırda layihənin podratçısı olan "Todini" şirkəti bərpa işlərini davam etdirir. Bu ilin sonunadək işlərin başa çatması gözlənilir", - mənbə deyib.
Onun sözlərinə görə, bu yolların bərpası üçün lazım olan vəsaitin 82%-i Dünya Bankının hesabına maliyyələşir, qalan hissəsi isə Azərbaycan tərəfinin payına düşür. Layihənin reallaşmasının ümumi dəyəri 65 milyon dollar təşkil edir.
Küveyt İqtisadi İnkişaf Fondu layihədə iştirakdan imtina etdikdən sonra Azərbaycan hökuməti DB-yə bu yol sahəsini maliyyələşdirməyi təklif edib. Əvvəllər Fondun kreditin ayrılması barədə qərar qəbul etməsinə baxmayaraq, şərtlər üzrə razılıq əldə edilmədiyi üçün danışıqlar dayandırılıb.
Kürdəmir-Ucar yolunun texniki-iqtisadi əsaslandırılması 1999-cu ildə Küveyt Fondunun qrant vəsaitləri hesabına hazırlanıb.
Fevralın 09-na olan rəsmi məzənnə 0,8034 AZN/USD təşkil edir.
