Azərbaycan, Bakı, 17 fevral / Trend /
Bakı Fond Birjasına "BE&G Sighorta" ASC-nin adi adlı sənədsiz səhmlərinin birjanın qeyri-kotirovka vərəqəsinə daxil olması barədə müraciət daxil olub. Bakı Fond Birjasından çərşənbə günü yayılan məlumatda belə deyilir.
Martın 3-dən "BE&G Sighorta" ASC-nin səhmlərinin yerləşdirilməsinə başlanıb. Sığorta şirkətinin səhmlərinin emissiya prospekti 1 milyon manat həcmində qeydə alınıb. Bu prospekt çərçivəsində hər birinin nominal dəyəri 200 manat olan 5000 ədəd səhm buraxılıb.
Səhmlərin yerləşdirilməsi anderrayteri "Chelsea Capital" MMC-dir.
Səhmləri əldə etmək istəyən şəxslər BFB-nin üzvü olan və broker lisenziyasına sahib olan təşkilata müraciət edə bilərlər.
Fevralın 17-nə olan rəsmi məzənnə 0,8032 AZN/USD təşkil edir.