Gürcüstan, Tbilisi, 24 fevral / Trend , N.Kirsxaliya/
Martın 3-də Minskdə Gürcüstan-Belarus biznes forumu keçiriləcək. Gürcüstan biznesmenlərindən ibarət nümayəndə heyətinə Ticarət-Sənaye Palatasının (TSP) prezidenti Celam İnaişvili rəhbərlik edəcək. Nümayəndə heyətinə "Tbilvino" SC, "Baqrationi 1882", "Vina Duqladze", "Telavi çaxır ehtiyatı", "Askaneli qardaşları" şirkətləri, 2010-cu il biznes qrupları "Hermes", "Rossmetal", "Aidey Borjomi Beveric"in Gürcüstan filialı, Poti limanı və "Rakiya Corciya" azad sənaye zonasının təmsilçiləri daxildir.
Forumun təşkilatçıları Belarus və Gürcüstan TSP-dir. Tədbir çərçivəsində Gürcüstan və Belarus biznesmenlərinin ikitərəfli görüşləri keçiriləcək. Gürcü sahibkarlar yerli müəssisələrdə olacaqlar, müxtəlif tədbirlərdə iştirak edəcəklər.
Forumda iki ölkənin biznes dairələrinin nümayəndələri bir-birlərini öz şirkətlərinin fəaliyyətilə tanış etmək, potensial tərəfdaşlarda öz ölkələrindəki investisiya mühiti haqqında maraq oyatmaq imkanları əldə edəcəklər.
