Azərbaycan, Bakı, 03 mart / Trend /
Rusiya milli reytinq agentliyi tərəfindən tərtib olunmuş "Bank likvidliyinin barometri" reytinqinə görə, 1 yanvar 2010-cu il tarixinə "ABB-Moskva" likvidliyi çox yüksək olan bank kateqoriyasına daxil olub. Bu barədə bankın məlumatında deyilir.
"ABB-Moskva" 641 bankın yer aldığı siyahıda 31-ci mövqedə olub. 2010-cu il yanvarın 1-nə görə bankın aktivləri 15,29 milyon rubl, kapitalı 1,09 milyard rubl, əmsal likvidliyi isə 1,97% təşkil edib.
Agentliyin dərc etdiyi reytinq tamamilə yeni törəmə reytinq məhsulu olub, Rusiya bazarlarında analoqu yoxdur. O, bankın ödəniş qabiliyyətini qiymətləndirən göstərici üzərində qurulub və onun öz öhdəlikləri üzrə cavab vermək iqtidarı səviyyəsini müəyyən etməyə imkan verir.
Bank likvidliyinin barometri bankın ödəniş intizamı səviyyəsini göstərən xarakteristika olub, Rusiyanın Mərkəzi Bankının saytında dərc olunan hesabatlar əsasında hesablanır və bu, böhran şəraitində, maliyyə sisteminə əhalinin inamının kəskin azaldlığı bir şəraitdə xüsusilə aktualdır.
"ABB-Moskva" Azərbaycan Beynəlxalq Bankının törəmə müəssisəsidir. Rusiya ərazisində 100 faiz Azərbaycan kapitalı ilə fəaliyyət göstərən ilk və yeganə bankdır.