Gürcüstan, Tbilisi, 26 mart / Trend , müxbir N.Н. Kirsxaliya/
Əvvəlki illə müqayisədə 2009-cu ildə Gürcüstanda ÜDM 3,9 faiz azalıb və cari qiymətlərlə 17 948,6 milyon lari təşkil edib.
Cümə günü keçirilən brifinqdə Gürcüstan Statistika Komitəsinin rəhbəri Zaza Çelidze deyib ki, dövlət idarəetmə sektoru ÜDM-in ümumi həcminin 16, sənaye 15, ticarət 14 faizini təşkil edir.
Ötən il aşağıdakı sahələrdə artım qeydə alınıb: səhiyyə, sosial yardım (7 faiz), elektrik enerjisi, qaz və suyun istehsalı və paylanması (5,9 faiz), mədənçıxarma sənayesi (9,3 faiz).
Azalma - ticarətdə (7,8 faiz), kommunal, sosial və fərdi xidmət (11,6 faiz), emal sənayesi (8,4 faiz), restoran və mehmanxana biznesində (6,9 faiz) - qeydə alınıb.
Gürcüstan Statistika Komitəsinin rəhbəri ÜDM üzrə göstəriciləri "tamamilə gözlənilən" adlandırıb. Çünki BVF-nin proqnozlarına görə, ÜDM azalması üzrə göstərici 4 faiz təşkil etməli idi.
"Əvvəlcədən proqnozlaşdırılan azalma 4 faiz təşkil etməli idi, yəni bu göstərici əvvəldən real olub", - Çelidze qeyd edib.