Gürcüstan, Tbilisi, 31 mart / Trend , müxbir N.Kirsxaliya/
2010-cu ilin yanvar-fevral aylarında Azərbaycan Gürcüstanın ticarət tərəfdaşları arasında ikinci yeri tutub. Gürcüstanın Statistika Komitəsi bildirib.
Hesabat dövründə Azərbaycan ilə ticarət dövriyyəsi 83,1 milyon dollar və ümumi dövriyyənin 10,2 faizini təşkil edib. Bu barədə çərşənbə günü komitədən bildirilib. "Qeyd edək ki, 2009-cu ilin analoji dövrü ilə müqayisədə iki ayda Azərbaycan ilə xarici ticarət dövriyyəsi 7,4 faiz artıb", - Gürcüstanın Statistika Komitəsindən bildirilib.
Gürcüstandan Azərbaycana ixrac 28,7 milyon dollar (bütün ixracın 13,3-i) təşkil edib.
Azərbaycana ixrac olunan malların nomenklaturasında minik avtomobili - 47,4 faiz, sement - 9,2 faiz, iribuynuzlu mal-qara - 8,8 faiz, müalicə vasitələri - 4,4 faiz, qoz - 3,5 faiz, digər məhsullar - 26,7 faiz təşkil edib.
Yanvar-fevral aylarında Azərbaycandan Gürcüstana idxal 54,4 milyon dollar (ümumi idxalın 9,1 faizi) təşkil edib. İdxal olunan məhsullar neft və neft məhsulları - 45,3 faiz, neft-qaz və karbohidrogen - 42,5 faiz, günəbaxan yağı - 1,3 faiz, marqarin - 0,8 faiz, etil polimeri - 0,8 faiz, digər məhsullar - 9,3 faiz təşkil edib.
