Azərbaycan, Bakı, 13 aprel /Trend, müxbir N.İsmayılova/
Azərbaycan banklarının kapital adekvatlığının səviyyəsi normativdə 12 faiz olduğu halda, 19-20 faiz təşkil edir. Bunu Azərbaycan Mərkəzi Bankı (AMB) idarə heyətinin sədri Elman Rüstəmov çərşənbə axşamı deyib.
"AMB tərəfindən aparılan stress-test göstərib ki, bank sektoru kifayət qədər dayanıqlı səviyyədədir; bank sektoru AMB-in normativlərini, təxminən, 8 faiz ötən kapital adekvatlığı səviyyəsindədir", - Rüstəmov deyib.
Rüstəmovun sözlərinə görə, ölkənin bank sektorunun müsbət tendensiyalarından biri də faiz dərəcələrinin əhəmiyyətli dərəcədə aşağı düşməsi, həmçinin, əhalinin əmanətləri kimi göstəricilərin dinamik artımıdır.
