Azərbaycan, Bakı, 15 aprel /Trend, müxbir N.İsmayılova/
Bütün məcmu amillər Azərbaycan və Rusiya arasındakı ikitərəfli və reginolararası qarşılıqlı əlaqələrə təsir edir. Bunu cümə axşamı Azərbaycan iqtisadi inkişaf nazirinin müavini Niyazi Səfərov deyib.
"İkitərəfli münasibətlərin inkişafına, ilk növbədə, mövcudluğu Azərbaycan iqtisadiyyatının inkişafı üçün ciddi təminat yaradan siyası stabillik təsir edir. Bu aspektdən, ikitərəfli və regionlararası ticari-iqtisadi əlaqələrin inkişafı zamanı biz həmçinin ölkələrimizin inkişafında iqtisadi amilləri nəzərə almalıyıq", - nazir müavini deyib.
"Eyni zamanda, qonşu dövlətin iqtisadiyyatının inkişafı ikitərəfli əməkdaşlığın daha dərinləşməsinə və çoxplanlı şəkildə genişlənməsinə təminatdır", - o qeyd edib.
2010-cu ilin birinci rübünün yekunlarına görə, Azərbaycanın ÜDM-i 5,4 faiz, əhalinin gəlirləri isə 2,6 faiz artıb.
"Azərbaycan neft ölkəsidir, lakin dövlətdə iqtisadiyyatın diversifikasiyası aparılır, belə ki, qeyri-neft sektorunun inkişafı ikitərəfli əməkdaşlığın inkişafı üçün real imkanlardır", - Səfərov deyib.
Azərbaycan və Rusiya arasındakı əlaqələrin inkişafının mühüm komponenti ciddi informasiya mübadiləsinin yaradılmasıdır ki, bu da hazırda çox aşağı səviyyədədəir.
"Azərbaycan İqtisadi İnkişaf Nazirliyi rusiyalı sahibkarların bizə təqdim etdiyi investisiya layihələrinin öyrənilməsinə başlayıb. Regional-ticari əlaqələrin inkişaf etdirilməsi üçün bizdə kifayət qədər institusional baza - komissiya, işçı qrupu yaradılıb. Sahibkarlarımız arasında daha intensiv əlaqələr yaratmalıyıq. Bu əlaqələr üçün həm Rusiyanın, həm də Azərbaycanın böyük potensialı var. Azərbaycan əlaqələrin inkişaf etdirilməsinə dəstək verməyə hazırdır", - nazir müavini deyib.
