Azərbaycan, Bakı, 20 aprel /Trend, müxbir E.İsmayılov/
Eyyafyatlayokudl vulkanının püskürməsi nəticəsində Avropa hava limanlarının işinin müvəqqəti dayandırılması ilə əlaqədar səhərdən Bakı - Paris və Bakı - London aviareysləri təxirə salınıb. Bu barədə çərşənbə axşamı "Azərbaycan Hava Yolları" (AZAL) QSC-dən bildirilib.
Bakı - Paris reysi Bakı vaxtı ilə saat 08:00-a, Bakı - London reysi isə saat 12:00-a planlaşdırılmışdı.
AZAL-dan bildirilib ki, Bakı - London (AZAL) - 17:40 (Bakı vaxtı ilə), Frankfurt - Bakı (20:05) və Paris - Bakı (20:00) reyslərinin həyata keçirilməsi də sual altındadır.
Dünən, həmçinin, Azərbaycan və Avropa ölkələri arasında bir neçə reys təxirə salınıb.