Özbəkistan, Daşkənd, 21 may /Trend, müxbir D.Əzizov/
Daşkənddəki "Saderat İran" törəmə bankı 2009-cu ildə Beynəlxalq Maliyyə Hesabatı Standartına uyğun olaraq öz aktivlərini 24,5 faiz - 29,209 milyard suma qədər artırıb. Bu barədə bankın məlumatında deyilir.
Bankın borcları ötən il 1,5 dəfə - 13,11 milyard suma qədər, şəxsi kapitalı isə 10,3% - 16,095 milyard suma qədər artıb.
2009-cu ilin yekunlarına görə, bank 480,5 milyon sum təmiz gəlir əldə edib. Bu usə 2008-ci ilin analoji dövrü ilə müqayisədə 2,2 dəfə çoxdur.
Daşkənddəki "Saderat-İran" törəmə bankı Özbəkistanda yeganə 100%-lik xarici kapitallı bankdır. Bank 1999-da yaradılıb. Məqsəd Özbək-İran ticarət əməliyyatlarında maliyyə xidmətinin göstərilməsidir.
Özbəkistanda hazırda 30 bank frəaliyyət göstərir. Bunlardan 5-i xarici kapitalın iştirakı ilə yaradılıb.