...

Ekspertlər təbii fəlakətlər üzündən Azərbaycanda inflyasiyanın artacağını proqnozlaşdırırlar

Biznes və iqtisadiyyat xəbərləri Materials 22 May 2010 13:42 (UTC +04:00)

Trend-i buradan izləyin

Azərbaycan, Bakı, 22 may /Trend, müxbirlər R.Dərəxşan, Ü.İsmayılova/

İlin yekunları üzrə Azərbaycanda inflyasiya 8,3 faiz səviyyəsində proqnozlaşdırılır. "İqtisadi Araşdırmalar Mərkəzi" QHT ekspertləri belə hesab edirlər.

"İyun və iyulda mövsüm dəyişiklikləri üzündən ölkədə deflyasiya müşahidə olunacaq. Lakin buna baxmayaraq, avqustda inflyasiya bərpa olunacaq", - ekspertlər bildirirlər.

"QHT ekspertləri, həmçinin, ölkədə iqlim dəyişikliklərindən asılı olaraq, inflaysiyanın minimum və maksimum məbləğini də hesablayıblar", - təşkilatın məlumatında bildirilir. Əgər ölkədə leysan yağışları və daşqınlar üzündən kənd təsərrüfatı məhsullarının istehsalında kəskin azalma müşahidə olunarsa, onların qiymətləri artacaq və bu da nəticədə, inflyasiyanın 10,05 faizə gəlib-çatmasına səbəb olacaq.

"Təbii fəlakətin nəticələri cüzi olarsa, orta illik inflyasiya 7,1 faiz təşkil edəcək", - QHT ekspertləri bildirirlər.

Bir qədər əvvəl Mərkəzi Bankın rəhbəri Elman Rüstəmov bildirmişdi ki, 2010-cu ildə inflyasiya 3 faiz səviyyəsində gözlənilir ki, bu da əhalinin real gəlirlərinin yüksək səviyyədə saxlanmasına imkan verəcək.

Son günlər ərzində yağan intensiv yağışlar nəticəsində, Kürün məcradan çıxması və digər çaylarda daşqınlar səbəbindən 40 rayonun ərazisində subasma halları qeydə alınıb. Bu təbii fəlakət nəticəsində 20 minə yaxın ev su altında qalıb, 300-dən çox ev dağılıb, 2 min ev qəzalı vəziyyətdədir və 50 min hektar əkin və örüş sahələrini su basıb.

Xəbər lenti

Xəbər lenti