Azərbaycan, Bakı, 25 iyun /Trend, müxbir Ü.İsmayılova/
May ayında Bakıda 1 sot torpağın orta qiyməti 1,1% azalaraq 14 256 dollardan 14 108 dollaradək enib. Bu barədə cümə günü "Əmlak Bazarı İştirakçıları" İctimai Birliyindən bildirilib.
"Ay ərzində qiymət azalması Bakının bütün rayonlarında qeydə alınıb. Bu, əsasən sahələrdə satıcıların real qiymətləri qaldırması ilə bağlıdır", - məlumatda belə deyilir.
Qurumun ekspertlərinin hesablamalarına görə, şəhərin mərkəzi hissəsində torpaq sahələrinin qiymətlərinin həddindən artıq bahalaşması şəhərin birinci və ikinci zonalarında tələbin azalmasına, eləcə də paralel olaraq qiymətlərin azalmasına gətirib çıxarıb.
Ən çox qiymət azalması Bakının Səbail rayonunda qeydə alınıb (1,4 faiz). Yay mövsümünün başlaması ilə əlaqədar olaraq Bakının Xəzər (keçmiş Əzizbəyov) rayonunda torpaq sahələrinin qiyməti 0,2 faiz artıb.
Mayda torpaq bazarında ən bahalı torpaq sahəsi bir sotu 250 min dollar dəyərində Nəsimi rayonunda, ən ucuz torpaq sahəsi isə 350 dollar dəyərində Abşeron rayonunda qeydə alınıb.
Mayda Bakının torpaq bazarında təklif olunan 800,1 hektar torpağın 77,6 faizini boş sahələr təşkil edib.
