Azərbaycan, Bakı, 1 iyul /Trend, müxbir N.İsmayılova/
Azərbaycan Mərkəzi Bankının məlumatlarına görə, mayın sonuna ölkədə 4120 min ədəd ödəmə kartı olub ki, bu da ayın əvvəlinə 0,4 faiz və 2009-cu ilin sonuna olan göstəricisini 3,7 faiz ötür.
Hesabat dövrü ərzində debet kartlar üzrə əməliyyatların sayı 3794 min ədəd təşkil edib. Debet kartlar üzrə əməliyyatların həcmi 451 milyon manat olub.
Debet kartlar üzrə əməliyyatların ümumi sayından bankomatlar vasitəsilə 429 milyon manat məbləğində 3669 min, POS-terminallar vasitəsilə isə 16 milyon manat məbləğində 78 min əməliyyat aparılıb.
Mayda kredit kartları üzrə 47 milyon manat məbləğində 178 min əməliyyat həyata keçirilib. Kredit kartlarının ümumi sayı üzrə bankomatlar vasitəsilə 17 milyon manat məbləğində 76 min, POS terminallarla isə 11 milyon manat məbləğində 16 min əməliyyat aparılıb.
İyulun 1-nə olan rəsmi məzənnə 0,8039 AZN/USD təşkil edir.
