Azərbaycan, Bakı, 5 iyul /Trend, müxbir N.İsmayılova/
"Fitch Ratings" Beynəlxalq Reytinq Agentliyi güman edir ki, 2010-2011-ci illər ərzində Azərbaycanın bank sistemində problemli kreditlərin səviyyəsi sabitləşəcək. Bu barədə Trend-ə "Fitch Ratings"in Moskva ofisinin bank analitik qrupunun direktoru Vladimir Markelov deyib.
"Fitch"in fikrincə, "Aktivlərin keyfiyyəti hazırkı dövrdə bank sektorunun əsas problemidir. Problemli borcluluq xeyli dərəcədə mövcuddur və bəzi banklarda problemli kreditlərin səviyyəsi 15-20 faizə çatır. Lakin bu göstəricinin bəzi banklarda 30 faiz olması halları ilə də qarşılaşmaq mümkündür", - Markel bildirib.
Onun fikrincə, problemli kreditlərin gələcək dinamikası makroiqtisadi mühitdən çox asılı olacaq ki, bu da öz növbəsində, neft gəliri ilə müəyyənləşir.
"Agentlik güman edir ki, 2010-2011-ci illər ərzində Azərbaycanın bank sistemində problemli kreditlərin səviyyəsi sabitləşəcək. Lakin bankların balansının stabilləşməsi və "təmizlənməsi" daha çox vaxt apara bilər", - o qeyd edib.
