Azərbaycana idxal olunan avtomobil vasitələrinin "Avro-2" standartına uyğunluğu üzrə müvəqqəti şərtlər tətbiq edilib

Azərbaycan, Bakı, 8 iyul /Trend, müxbir E.İsmayılov/

Sentyabrın 1-dən etibarən qəbul olunan "Avro-2" ekoloji standartlarına uyğun olaraq, Azərbaycana idxal olunan və istismara verilə bütün avtomobillər Standartlaşdırma, Metrologiya və Patent Üzrə Dövlət Komitəsinin verdiyi akkreditə əsasında işləyən laboratoriyalarda baxışdan keçəcək. Bu barədə cümə axşamı komitədən bildiriblər. Standartlar Azərbaycanda cari il iyulun 1-dən etibarən tətbiq olunmağa başlayıb.

Qeyd edildiyinə görə, yoxlama ilə həm dövlət, həm də komitənin akkreditəsini alan özəl laboratoriyalar məşğul ola bilərlər.

"Sentyabrın 1-dək əvvəllər Azərbaycandan xaricdə istismar edilən və ölkəyə idxal olunan avtomobil vasitələrinin yoxlanılması AZS 447-2010 standartına əlavə qismində təsdiq olunan cədvəlin tələblərinə uyğun həyata keçiriləcək", - komitədən belə deyiblər.

"Akkreditənin verilməsi xeyli vaxt apardığına görə, sentyabrın 1-dək müvəqqəti olaraq bu proses cədvəldə göstərilən göstəricilər əsasında tənzimlənəcək", - komitədən qeyd ediblər.

Xaricdən idxal olunan avtomobillərin istismara verilməsi prosesinə uyğun məlumat göstəriciləri aşağıdakı cədvəldə qeyd olunub:

Avropa İttifaqına daxil olan ölkələr: Almaniya, Avstriya, Belçika, Böyük Britaniya, Çexiya, Danimarka, Estoniya, Finlandiya, Fransa, İspaniya, İtaliya, İrlandiya, İsveç, Kipr, Latviya, Litva, Lüksemburq, Macarıstan, Malta, Niderland, Polşa, Portuqaliya, Slovakiya, Sloveniya, Yunanıstan, Bolqarıstan və Rumıniya.