Аzərbaycan, Bakı, 16 iyul /Trend, müxbir Ü. İsmayılova/
Yanvar-iyun aylarında Azərbaycanda istismara verilən mənzillərin ümumi sahəsi 705 min kvadratmetr təşkil edib ki, bu da ötən ilin analoji dövrünə nisbətdə 38,3 faiz çoxdur, - cümə günü Azərbaycan Dövlət Statistika Komitəsindən verilən məlumatda deyilir.
İstehsal olunan obyektlərin tikintisinə 1,933 milyard manat, yəni, 2009-cu ilin yanvar-iyun aylarındakı göstəricidən 24,9 faiz çox məbləğ ayrılıb. Xidmət sahəsi obyektlərinin tikintisinə 1,833 milyard manat ayrılıb ki, bu da ötən ilin analoji dövrünə nisbətdə 0,7 faiz azdır.
Bu dövr ərzində əsas kapitala qoyulan ümumi məbləğ il ərzində 10,0 faiz artaraq 3,766 milyard manat təşkil edib. Tikinti-montaj işlərinə ayrılan xərclər 2009-cu ilin birinci yarımilindəki göstəricidən 5,3 faiz çox olmaqla, 2,483 milyard manat təşkil edib.
