...

AİB Azərbaycan üçün yol layihəsi çərçivəsində kreditdən istifadə müddətini 3 il uzada bilər

Biznes və iqtisadiyyat xəbərləri Materials 4 Avqust 2010 17:57 (UTC +04:00)

Azərbaycan, Bakı, 4 avqust /Trend, müxbir İ.Xəlilova/

Azərbaycan hökuməti Asiya İnkişaf Bankından (AİB) Masallı-Astara avtomagistralının bir hissəsinin bərpası layihəsi çərçivəsində AİB-in kredit vəsaitindən istifadə müddətinin 3 il uzadılmasını xahiş edib. Bu barədə çərşənbə axşamı ölkə hökumətindən bildiriblər. Kredit sazişinin qüvvəyə mindiyi 2008-ci ilin yanvarından 2 il yarım keçməsinə baxmayaraq, kredit resursları, demək olar, istifadəsiz qalıb və onlardan istifadə müddəti 2010-cu il iyunun 30-da başa çatıb.

"Asiya bankı rəsmi olaraq kreditdən istifadə müddətini azı bir il uzatmağa hazırdır, hətta ola bilsin ki, müddət 3 il də uzadılsın. Çünki digər layihələr çərçivəsində normal praktikada bu müddət 4-5 ildir", - bankın Bakı nümayəndəliyindən bildirilib. Bu, Azərbaycanın bankla əməkdaşlığı çərçivəsində ilk haldır.

Masallı-Astara yol sahəsi Asiya İnkişaf Bankının (AİB) 200 milyon dollar dəyərində krediti və Azərbaycan hökumətinin 49 milyon dollarlıq iştirak payı hesabına çəkiləcək.

Layihəyə başlamaq üçün başlıca məsələlərdən biri Masallı-Astara avtomagistralı yaxınlığında torpaq alışı planının həyata keçirilməsidir. Kredit razılaşmasının şərtlərinə əsasən, torpaq alışı ilə bağlı məsələ 2010-cu ilin iyununadək həll edilməli idi. Hökumətdən bildirildiyi kimi, bu proses praktiki olaraq Masallı-Astara magistralının birinci hissəsində (21 kilomer uzunluğunda) başa çatıb ki, bu da bankın başlıca tələbi idi.

Lakin "Azəryolservis" QSC-nin podratçının müəyyən edilməsi üzrə tenderinin ləğv edilməsi ilə əlaqədar bu hissədə tikinti işlərinə əvvəllər planlaşdırıldığı kimi, 2010-cu ilin oktyabrında başlamaq mümkün olmayacaq.

Lakin Nəqliyyat Nazirliyindən üçüncü rüb ərzində podratçının seçimi üzrə bütün məsələlərin həll olunacağını söyləsələr də, tikinti işlərinin başlanılması vaxtı bildirilməyib. "AİB-in şərtlərinə görə, podratçı yalnız torpağın alışı prosesi başa çatdıqdan sonra elan edilə bilər və müvafiq olaraq onun müəyyən edilməsi üzrə tender də bu rüb elan edilə bilər", - nazirlikdən bildiriblər.

Masallı-Astara avtomagistralı üç əraziyə bölünüb. Hazırda avtomagistralın birinci ərazisinin (uzunluğu 21 km) tikintisi üzrə podratçı müəyyənləşir.

Layihə AİB-in Direktorlar Şurasında 2007-ci il sentyabrın 28-də təsdiqlənib, bankla kreditin verilməsi sazişi isə 2009-cu il yanvarın 15-də imzalanıb. Asiya bankının kredit resursları bankın adi resurslarından hissə-hissə (190 milyon dollar) 24 il müddətinə dörd illik güzəştlə və ildə libor+0,6 faizlə verilib. 10 milyon dollar güzəştli kredit isə 32 il müddətinə səkkiz illik güzəştli dövrlə və güzəştli dövr ərzində bir faizlə, qalan dövrlər üzrə 1,5 faizlə verilib. Kreditin güzəştli hissəsi avtomagistrala birləşən ikinci dərəcəli kənd yollarının yenidən qurulmasına hesablanıb.

Masallı-Astara avtomobil yolununun yenidən qurulmasına kredit "Multitranche Financing Facility" (MFF) mexanizmi çərçivəsində 500 milyon dollar məbləğində təqdim edilib və üç yol layihəsinin maliyyələşdirilməsinə hesablanıb. Bu günədək iki layihə razılaşdırılıb, AİB MFF çərçivəsində qalan vəsaitlərdən istifadəyə isə 2014-cü ilədək vaxt ayırıb.

Xəbər lenti

Xəbər lenti