Gürcüstan, Tbilisi, 5 avqust /Trend, müxbir N.Kirsxaliya/
Gürcüstanın yerli bazarında un 8-10 faiz bahalaşıb. Buğda və Çörək Məhsulları İstehsalçıları Assosiasiyasının bəyan etdiyinə görə, onların məhsullarının çox bahalaşacağı gözlənilmir.
Assosiasiyada izah ediblər ki, Rusiyadakı quraqlıq üzündən taxıl məhsulu məhv olub, lakin ölkədə ehtiyat nəzərdə tutulduğundan ikiqat artıqdır, bu da qiymətləri sabitləşdirməyə kömək edir.
Yeri gəlmişkən, Gürcüstanın regionlarında artıq çörək bahalaşmağa başlayıb. Kaxetidə çörəyin qiyməti 10 tetrini keçib. Çörəkbişirmə müəssisələrinin sahibləri bildirirlər ki, əgər unun qiyməti daha da artarsa, çörəyin qiyməti də bahalaşacaq. Onlar izah edirlər ki, indiyədək unun kisəsi 37 lariyə (1 dollar = 1,83 lari) idi, bu gün isə artıq 40 laridir.