Azərbaycan, Bakı, 10 avqust /Trend, müxbir İ.Xəlilova/
Azərbaycan hökuməti Kanada üçün ölkənin Ümumdünya Ticarət Təşkilatına inkişaf etməkdə olan ölkə statusunda qəbulu ilə bağlı planlarına dair əsasnamə hazırlayır. Bu barədə danışıqlar qrupunun rəhbəri, xarici işlər nazirinin müavini Mahmud Məmmədquliyev deyib.
"Kanada ölkəmizin ÜTT-yə inkişaf etməkdə olan ölkə qismində qəbulu ilə bağlı istəyinə dair əsas tələb edib. Biz ölkənin aqrar sektorunun inkişafı üçün sərfəli şəraitin saxlanılması məqsədilə bu mövqeyə sadiq qalmaq niyyətindəyik; belə ki, ÜTT-də inkişaf etməkdə olan ölkə statusu respublikaya aqrar sahəyə daha çox maliyyə dəstəyi verməyə və ölkəyə subsidiyalaşmanı kənd təsərrüfatında istehsal olunan ümumdaxili məhsulun 10 faizi səviyyəsində qoruyub-saxlamağa imkan verəcək", - Məmmədquliyev qeyd edib.
Azərbaycan üçün bu mövqe uğrunda mübarizə aparmaq çətindir; belə ki, "bütün postsovet ölkələri ÜTT-yə inkişaf etmiş ölkə qismində qəbul olunublar, buna uyğun surətdə, hər şeydən əvvəl bu stereotipi pozmaq lazımdır.
Ölkə inkişaf etməkdə olan ölkə qismində qəbul edilsə, kənd təsərrüfatı subsidiyalarının həcmi 10 faiz səviyyəsində ola bilər; əgər inkişaf etmiş qismində qəbul olunsa, subsidiyaların həcmi 5 faizədək azalmalıdır. Bu gün Azərbaycanda aqrar sektor üçün subsidiyalaşma, orta hesabla, 14-15 faiz təşkil edir. Ölkədə kənd təsərrüfatının dəstəyə daha çox ehtiyacı olduğunu nəzərə alaraq, Azərbaycan ÜTT-yə ABŞ-ın xüsusilə israr etdiyi kimi, inkişaf etmiş ölkə statusunda daxil olmaqdan imtina edir. Çünki bu, 5 faizədək səviyyədə subsidiya əldə etmək imkanı verəcək.
Aİ və ABŞ-la ikitərəfli danışıqlar prosesində tarif öhdəlikləri də əsasdır. Tarif siyasəti ilə yanaşı, onların tələbləri əqli mülkiyyət məsələləri üzrə xidmətlər sahəsinin liberallaşdırılmasına da aiddir. Onlar maliyyə, kommunikasiya sektorlarında, distribüter servisi, paylayıcı sahələrdə bazarların açılmasını təklif edir.
ÜTT katibliyi yanında Azərbaycan üzrə işçi qrupu 1997-ci il iyulun 16-da yaradılıb.
Azərbaycan 1997-ci ildən Ümumdünya Ticarət Təşkilatında müşahidəçi statusunda təmsil olunur.