Azərbaycan, Bakı, 27 avqust / Trend , müxbir N.İsmayılova/
Azərbaycan Mərkəzi Bankı pul kütləsinin (M2) iyul ayı ərzində 4 faiz, 2009-cu ilin iyul ayı ilə müqayisədə 34,5 faiz artdığını bəyan edib, - cümə günü AMB-nin məlumatında deyilib.
İyul ayının sonuna olan vəziyyətə görə, M2 göstəricisi 6 892 milyon manat olub. İyunun sonlarında bu göstərici 6629,4 milyon manat, 2009-cu il avqustun 1-də 5091,6 milyon manat təşkil edib.
İyul ayının sonuna olan vəziyyətə görə, nağd pul kütləsinin (M0) göstəricisi 4811,4 milyon manat təşkil edib. İyunun sonlarında bu göstərici 4587,3 milyon manat, 2009-cu il avqustun 1-də 3657,5 milyon manat təşkil edib.
Genişlənmiş pul kütləsi (Broad Money Supply (M3)) iyulun sonlarında 9054,5 milyon manat olub. İyunun sonlarında bu göstərici 9082,5 milyon manat, 2009-cu il avqustun 1-nə 7582,4 milyon manat təşkil edib.
Sövdələşmələr üçün məbləğlər (transaction money (M1)) iyulun yekunları üzrə 5756,5 milyon manat, iyunun sonları üzrə avqustun 1-nə 5544,1 milyon manat, 2009-cu il avqustun 1-nə 4365,5 milyon manat olub.
Avqustun 27-nə rəsmi məzənnə 0,8037 AZN/USD təşkil edir.