Azərbaycan, Bakı, 4 sentyabr /Trend, müxbir N.İsmayılova/
Azərbaycanda yeganə qızıl istehsalçısı - "Anglo Asian Mining PLC" şirkəti iyunun 30-da tamamlanan ilin birinci yarısı göstəricisinə görə, Azərbaycanın Gədəbəy rayonunun qızıl mədənindən 28 493 unsiya qızıl hasil edib. Bu barədə şirkətdən verilən məlumatda deyilir.
Şirkətin direktoru Reza Vəzirinin sözlərinə görə, bu, Mərkəzi Asiyada mənfəətli qızıl istehsalçısı kimi inkişaf edən şirkət üçün transformasiya dövrü olub. Bu məqsədlə Gədəbəy yataqlarında istehsal gücü yaxşılaşmaqda davam edir və qızıla qoyulan münasib qiymətlər gəlirlərin artması və balansın əhəmiyyətli dərəcədə yaxşılaşmasına gətirib çıxarıb.
Məlumatda deyildiyi kimi, 31 dekabr 2010-cu ilə qızıl hasilatı üzrə şirkətin proqnozları 53,5 min unsiyadan 60 min unsiyaya qədər artırılıb.
"Anglo Asian Mining PLC" şirkəti 1997-ci ilin avqustunda Azərbaycan hökuməti ilə imzalanmış PSA tipi üzrə sazişə əsasən, Azərbaycanın cənub-qərbi - Gədəbəy, Ordubad, Qoşabulaq, Qızılbulaq, Vecnəli və Söyüdlüdə 6 yatağın istismar hüququna malikdir.
