Azərbaycan, Bakı, 8 sentyabr /Trend, müxbir N.İsmayılova/
Sentyabrın 6-da Koreyanın Azərbaycanda səfərdə olan "Central Officials Training Institute"nun nümayəndələri "Overseas Policy Training" proqramı çərçivəsində ölkənin İqtisadi İnkişaf Nazirliyi yanında İqtisadi İslahatlar Elmi-Tədqiqat İnstitutunun fəaliyyəti ilə tanış olublar. Bu barədə çərşənbə günü nazirlikdən verilən məlumatda deyilir.
İnstitutun direktor müavini Fəxri Həsənov nümayəndə heyətinin üzvlərinə ölkədə aparılan sosial-iqtisadi siyasət, ölkənin iqtisadiyyatı, inkişaf perspektivləri və investisiya imkanları ilə bağlı məlumat verib.
Nümayəndə heyətinin üzvləri həmçinin Azərbaycanın iqtisadi inkişafının mərhələləri, ölkənin xarici dövlətlərlə qarşılıqlı əlaqələri barədə məlumatlarla tanış olublar.