...

Azərbaycan Parlamenti "İnvestisiya fondları haqqında" qanun layihəsinin qəbulu üzrə müzakirələri bərpa edib

Biznes və iqtisadiyyat xəbərləri Materials 29 Sentyabr 2010 19:36 (UTC +04:00)

Azərbaycan, Bakı, 29 sentyabr /Trend, müxbir İ.Xəlilova/

Parlamentin iqtisadi siyasət komissiyası "İnvestisiya fondları haqqında" qanun layihəsinin baxılmaq üçün Milli Məclisə təqdim edilməsini tövsiyə edib.

Çərşənbə günü qanun layihəsinin müzakirəsi zamanı komitə sədri Ziyad Səmədzadənin dediyinə görə, ölkə parlamenti bütün qanunların, xüsusilə də qiymətli kağızlar bazarının inkişafı ilə bağlı olan qanunların milli maraqlara və beynəlxalq standartlara cavab verməsində maraqlıdır.

"Bu qanunun qəbul edilməsi investisiya fondlarının inkişafında mühüm rol oynayacaq, - Səmədzadə bildirib. - Bu qanun layihəsi ölkədə investisiya fondlarının təşkili, idarə olunması və likvidliyini, fondların fəaliyyətinin dövlət nəzarətinin və nizamlanmasının iqtisadi və hüquqi əsaslarını müəyyənləşdirir".

"İnvestisiya fondları haqqında" qanun layihəsində bütün proqressiv amillərin nəzərə alınması baxımından, birinci oxunuşdan sonra qanunda heç bir köklü dəyişiklik edilməyib.

Yeni qanunun hazırlanması onunla bağlıdır ki, 1999-cu ildə qəbul edilən "İnvestisiya fondları haqqında" qanun indiki tələblərə cavab vermir. Ötən dövr ərzində Azərbaycanın fond bazarı kifayət qədər inkişaf edib, odur ki, qüvvədə olan qanun müasir bazar üçün hüquqi çərçivəni tam təmin edə bilmir.

Komissiya üzvləri - deputatların fikrincə, yeni qanun ölkədə qiymətli kağızlar bazarının inkişafına kömək edəcək ki, bu da ölkə iqtisadiyyatının diversifikasiyalaşdırılması prosesinə öz töhfəsini verəcək və digər problemləri həll etməyə imkan verəcək.

Qanun layihəsinin hazırlanmasında 30-dan çox dünya ölkəsinin təcrübəsi öyrənilib. Layihə dünya maliyyə bazarlarında əldə edilən nəticələr əsasında tamamlanıb.

Qanun layihəsi 2008-ci ilin əvvəlində, dünya maliyyə bazarlarında böhran vəziyyətinin kəskinləşməsi dövründə hazırlanmağa başlayıb.

Ötən ilin noyabrında ABŞ-da "Böyük 20-liy"in görüşündə dünya maliyyə böhranının qarşısının alınması məqsədilə siyasətin istiqamətləri müəyyənləşdirilib. Onlardan ikisi maliyyə bazarlarının nizamlanması məsələsinə aid olub. İnvestisiya fondları daha çox fəaliyyəti maliyyə bazarlarında həyata keçirirlər, odur ki, onların fəaliyyətinə də müəyyən mənada dəyişikliklər etmək lazımdır.

"İnvestisiya fondları haqqında" qanun layihəsinin beynəlxalq ekspertizası məqsədilə "First Initiative" texniki kömək proqramı çərçivəsində ekspertlər cəlb edilib.

Ekspertlərin təkliflərindən biri payçı səhmdar investisiya fondlarının yaradılması, eləcə də intervallı payla pay investisiya fondlarının açılması və bağlanılması nəzərdə tutulub. Ekspertlər bunu yolverilməz hesab edirlər, belə ki, bu, parçalanmaya gətirib çıxara bilər.

Qanun layihəsində investisiya fondlarının fəaliyyət sahəsində qüvvədə olan mexanizmin maksimum liberallaşdırılması nəzərdə tutulur. Dünyada müxtəlif növ fondlar - investisiya, qarşılıqlı, payçı, vençurlu mövcuddur. Yeni qanunda səhmdar-investisiya fondlarının, payçı, o cümlədən açıq, qapalı və interval tipli investisiya fondlarının, qapalı payçı investisiya fondlarının yaradılması nəzərdə tutulur.

Xəbər lenti

Xəbər lenti