...

Dövlət Dəniz Administrasiyası Azərbaycanın Bayrağı altında üzən gəmilərin qeydiyyatını aparır

Biznes və iqtisadiyyat xəbərləri Materials 26 Oktyabr 2010 14:03 (UTC +04:00)

Аzərbaycan, Bakı, 26 oktyabr /Trend/

İlin əvvəlindən Azərbaycanın Dövlət Dəniz Administrasiyası 101 gəmiyə Azərbaycan Bayrağı altında üzmək hüququ verən şəhadətnamə təqdim edib. Bu barədə administrasiyanın rəhbəri Qüdrət Qurbanovun çərşənbə axşamı "Xalq" qəzetində dərc olunmuş məqaləsində deyilir.

Qurbanovun sözlərinə görə, bu dövrdə administrasiya tərəfindən 81 gəmiyə mülkiyyət hüququ, 39 gəmiyə ekipajın tərkibi, 112 gəmiyə dəniz sularının neftlə çirklənməsi nəticəsində dəymiş ziyana görə məsuliyyətin maddi təminatı haqqında şəhadətnamələr verilib.

Həmin dövrdə gəmilərin Dövlət Reyestrində qeydiyyatından altı gəmi keçib ki, onlara da müvafiq şəhadətnamələr verilib. 18 gəmiyə və 2 liman məntəqəsinə gəmilərin və liman vasitələrinin Beynəlxalq Məcəlləyə müvafiq müdafiəsi haqqında, 115 gəmiyə və 4 gəmi şirkətinə Beynəlxalq Məcəlləyə uyğun təhlükəsiz idarəetmə haqqında şəhadətnamə verilib.

Bu dövrdə xarici dövlətərin bayrağı altında üzən 38 gəmi də daxil olmaqla, 85 gəmi yoxlamadan keçirilib.

Xəbər lenti

Xəbər lenti