Azərbaycan, Bakı, 16 noyabr /Trend, müxbir R.Daraxşan/
Bakıda son iki gündə müşahidə olunan sıx duman Heydər Əliyev adına Beynəlxalq hava limanının işinə qismən təsir edib.
AZAL ("Azərbaycan Hava Yolları") QSC-dən Trend-ə bildirildiyi kimi, duman səbəbindən, xüsusilə də Naxçıvan Muxtar Respublikasından bazar ertəsi yerli vaxtla saat 20:50-yə planlaşdırılan reys yubanır.
Bundan başqa, hazırda Aşqabaddan (bazar ertəsi, saat 21:15), Moskva - "Şeremetyevo" (00:40), Aktau (04:00) və Tbilisidən (04:50) gəlməli olan, Bakıdan isə Urumçiyə (bazar ertəsi, saat 22:45), Moskva ("Şeremetyevo", 06:45) və Aktauya (00:30) yola düşməli olan reyslər yubanır.