Azərbaycan, Bakı, 19 noyabr /Trend, müxbir N.İsmayılova/
2010-cu il noyabrın 1-nə olan məlumata görə, bank olmayan kredit təşkilatı "TBC Kredit"in kredit portfeli 2009-cu ilin müvafiq dövr göstəcisi ilə müqayisədə 21,3 faiz artıb. Bu barədə cümə günü şirkətdən bildiriblər.
Hesabat dövrü ərzində kredit portfelinin həcmi 1817 aktiv kreditlərdə 19,4 milyon dollara çatıb. Kredit portfelinin 56 faizini (10,8 milyon dollar) biznes, 29 faizini (5,5 milyon dollar) ipoteka və 16 faizini (3 milyon dollar) isə istehlak kreditləri təşkil edir.
Şirkətin kredit portfelinin artması ilk növbədə ötən illə müqayisədə kreditin daha sərfəli şərtlərlə verilməsi sayəsində əhalinin kreditləşməsinin həcminin artımı ilə əlaqədardır. Faiz dərəcələri azaldılıb və bütün kredit növləri üzrə verilən məbləğlər artırılıb. Bu fakt sayəsində bazarda təqdim edilən məhsulların rəqabət qabiliyyəti də artıb.
"TBC Kredit" bank olmayan kredit təşkilatı Azərbaycanda 1999-cu ildən fəaliyyət göstərir. 2007-ci ilin dekabrından etibarən şirkətin 75 faizi Gürcüstanın aparıcı bankı "TBC Bank"a və 25 faizi isə "ShoreBank International Ltd"yə məxsusdur.
