Azərbaycan, Bakı, 1 dekabr /Trend, müxbir Ü.İsmayılova/
Oktyabrda Bakıda torpağın bir sotunun orta qiyməti sentyabr ayı ilə müqayisədə dəyişməz qalaraq 1 424 314 dollar təşkil edib. Bu barədə çərşənbə günü "Əmlak Bazarı İştirakçıları" İctimai Birliyindən (İB) verilən məlumatda deyilir.
0,2 faiz artımla 18 969 dollaradək qiymət artımı şəhərin üçüncü zonasında qeydə alınıb. Birinci zonada 0,2 faiz azalma müşahidə olunub. İkinci və dördüncü zonalarda torpağın qiyməti sabit qalıb və müvafiq olaraq bir sotu 9 6842 dollar və 3 522 dollar təşkil edib.
İB ekspertlərinin hesablamalarına görə, şəhərin mərkəzində torpaq sahələrinə qoyulan həddindən artıq yüksək qiymətlər şəhərin birinci zonasında tələbatın azalması ilə paralel olaraq qiymətlərin aşağı düşməsinə də səbəb olub.
Bazarın bu seqmentində ötən aylarda baş verən proseslər risk səviyyəsinin nisbi azalmasına təsir edib.
Oktyabrda ən aşağı qiymətlər Binəqədi və Qaradağ rayonlarında müşahidə olunub - 0,3 faiz. Ən yüksək qiymət artımı isə Bakının Nəsimi və Səbail rayonlarında qeydə alınıb - 0,4 faiz. Torpaq bazarında nisbətən fəal rayonlar Binəqədi və Xətai rayonları olub. Ən passiv rayon isə ötən aylarda olduğu kimi, Nəsimi rayonu olub.
Oktyabrda ən baha torpaq sahəsi Bakının Nəsimi rayonunda (bir sotu 230 min dollar), ən ucuzu isə Abşeron rayonunda təklif edilib (350 dollar).
Oktyabrda Bakının torpaq bazarında 798,6 hektar torpaq sahəsi təklif olunub ki, onun 78,2 faizi boş sahələrin payına düşür.
Bazarda torpağın ekspozisiya müddəti daha 0,8 faiz artıb.
