Azərbaycan, Bakı, 4 dekabr /Trend, müxbir N.İsmayılova/
Azərbaycan Mərkəzi Bankının məlumatına görə, noyabrın 1-nə olan vəziyyətə görə, ölkədə 4103 min ədəd ödəniş kartı olub ki, bu da oktyabrın əvvəlinə olan göstəricidən 1,1 faiz çoxdur, 2009-cu il noyabrın əvvəlinə olan göstəricini isə 5,8 faiz ötür.
Hesabat dövründə debet kartlar üzrə əməliyyatların ümumi sayı 3576 ədəd təşkil edib. Debet kartlar üzrə əməliyyatlar 431 milyon manat səviyyəsində olub.
Debet kartlar üzrə əməliyyatların ümumi sayından bankomatlar vasitəsilə 431 milyon manat məbləğində 3576 min, POS-terminallar vasitəsilə 16 milyon manat məbləğində 68 min əməliyyat yerinə yetirilib.
Oktyabrda kredit kartları üzrə ümumi məbləği 52 milyon manat olan 202 min əməliyyat həyata keçirilib.
Kredit kartları üzrə əməliyyatların ümumi sayından bankomatlar vasitəsilə 20 milyon manat məbləğində 83 min, POS-terminallar vasitəsilə 10 milyon manat məbləğində 19 min əməliyyat yerinə yetirilib.
Dekabrın 4-nə olan rəsmi məzənnə 0,7998 AZN/USD təşkil edir.