RED. əlavəsi: Birinci abzasda məlumat yenilənib
Azərbaycan, Bakı, 7 dekabr /Trend/
Bazar ertəsi yerli vaxtla saat 22:45-də Londondan Bakıya gəlməli olan aviareys çərşənbə axşamı saat 01:15-də Heydər Əliyev adına Beynəlxalq hava limanında yerə enib. Bu barədə Trend-ə "AZAL" QSC-dən bildiriblər.
Daha əvvəl "AZAL"-dan bildirilib ki, yubanmaya səbəb Birləşmiş Krallığın paytaxtında pis hava şəraiti olub.
Son günlərdə Böyük Britaniyada hərarət kəskin şəkildə aşağı düşüb. Londonda güclü qar yağmasına görə onlarla aviareys ləğv olunub.