Gürcüstan, Tbilisi, 13 dekabr /Trend, müxbir N.Kirsxaliya/
Gürcüstan-Türkiyə sərhədində modernləşdirilmiş Sarpi gömrük-buraxılış məntəqəsi gələn il mayın 26-da açılacaq. Bu barədə bazar ertəsi Gürcüstanın maliyyə naziri Kaxa Bainduraşvili deyib.
Onun sözlərinə görə, Sarpidə bir tərəfdən yük daşınmalarının, nəqliyyat vasitələrinin sürətli buraxılması, digər tərəfdən turistlətə maksimum rahat xidmətin göstərilməsinə hesablanan faktiki yeni gömrük məntəqəsi tikilir.
Yeni məntəqə beynəlxalq standartlara cavab verəcək və müasir avadanlıqla təchiz ediləcək. Eyni zamanda, burada bütün gömrük prosedurları maksimum sadələşdiriləcək. Məntəqə sutka ərzində işləyəcək.