Azərbaycan, Bakı, 15 dekabr /Trend, müxbir Ü.İsmayılova/
Azərbaycanın sığorta şirkəti "Standard Insurance" həyat sığortası üzrə ixtisaslaşmış şirkət açmağı planlaşdırır. Bu barədə çərşənbə günü şirkətin idarə heyətinin sədri Kamal İbrahimov deyib. O, yeni şirkətin nə vaxt yaradılacağını açıqlamayıb. "Sığorta fəaliyyəti haqqında" qanuna əsasən, 2011-ci ilin martından həyat sığortası ilə yalnız ixtisaslaşmış şirkətlər məşğul ola bilərlər.
Azərbaycanın sığorta bazarında ümumilikdə iki Life-şirkət "Atəşgah Həyat" və "Qala Həyat" fəaliyyət göstərir, üçüncü şirkət - "Paşa Həyat Sığorta" sığorta fəaliyyəti üçün lisenziyanın alınması mərhələsindədir.
"Standard Insurance" artıq yeni şirkətin yaradılması üçün lazım olan bir sıra tədbirlər görüb", - İbrahimov qeyd edib.
Onun sözlərinə görə, "Standard Insurance" ölkənin sığorta bazarında ilk dəfə olaraq həyata sığortası ilə məşğul olmaya başlayıb və "həyat sığortasının uzunmüddətli ilk müqaviləsi məhz bizim şirkətlə bağlanıb".
"Bu günə bizim onlarla böyük müştərimiz və bir o qədər də potensial müştərimiz var", - İbrahimov əlavə edib.
Azərbaycanın ən böyük sığorta şirkətlərindən biri olan "Standard Insurance" şirkəti sığorta bazarında 2002-ci ildən etibarən fəaliyyət göstərir. Şirkət sığortanın 28 növü üzrə xidmətlər təklif edir. Şirkətin nizamnamə kapitalı 8 milyon manat təşkil edir.
