Azərbaycan, Bakı, 19 yanvar /Trend, müxbir N.İsmayılova/
2010-cu ilin dekabrında Azərbaycanda istehlak mallarının qiymətləri və xidmət tarifləri noyabr ayına nisbətdə 1,4 faiz artıb. 2010-cu ildə isə 2009-cu illə müqayisədə 5,7 faiz artıb. Bu barədə çərşənbə günü Dövlət Statistika Komitəsindən məlumat verilib.
Ərzaq mallarının qiymətləri dekabrda iki faiz, qeyri-ərzaq malları 0,9 faiz, xidmət tarifləri 0,2 faiz artıb.
2009-cu illə müqayisədə 2010-cu ildə ərzaq mallarının qiymətləri 7,2 faiz, qeyri-ərzaq malları 2,3 faiz,xidmət sahəsində tariflər -4,3 faiz artıb.
Dekabrda istehlak qiymətlərinin bazis indeksi ötən ayla müqayisədə 0,8 faiz, 2009-cu illə müqayisədə 3,5 faiz artıb.