Azərbaycan, Bakı, 25 yanvar/Trend, müxbir Ü.İsmayılova/
2010-cu ilin dekabr ayında Bakıda bir sot torpağın orta qiyməti 1,2 faiz artaraq 14243 dollardan 14413 dollara çatıb. Bu barədə çərşənbə axşamı "Əmlak Bazarı İştirakçıları"İctimai Birliyindən bildiriblər.
Bakının torpaq bazarında qiymət artımının əsas səbəbi şəhərin mərkəzində boş sahələrin sayının məhdud olması, həmçinin real tələbat üzərində təkliflər səviyyəsinin artmasıdır. Araşdırmalara əsasən, şəhərin birinci zonasında tikintinin sürətinin artması nəticəsində torpaq sahələrinə tələbat artıb, məlumatda deyilir.
Ay ərzində, xüsusilə şəhərin birinci və ikinci zonalarında müvafiq olaraq 1,1 və 0,1 faiz səviyyəsində qiymət artımı, üçüncü və dördüncü zonalarda müvafiq olaraq 0,2 və 0,3 faiz azalma müşahidə olunub.
Aşağıdakı cədvəldə şəhər zonaları üzrə qiymət dəyişiklikləri göstərilib:
|
Şəhər zonaları |
Qiymətlər $/sotla |
Orta qiymətlərdə dəyişikliklər % lə |
|
I |
172095 |
1,1 |
|
II |
96984 |
0,1 |
|
III |
18900 |
-0,2 |
|
IV |
3512 |
-0,3 |
Ötən ilin dekabr ayında qiymət artımı əsasən Bakının Səbail rayonu - 0,7 faiz, Nəsimi rayonu - 0,4 faiz və Qaradağda müşahidə olunub - 0,6 faiz. Şəhərin qalan rayonlarında qiymət azalması və sabitliyi müşahidə olunub. Torpaq bazarında daha fəal rayonlar Binəqədi və Xətai rayonları olub. Ən passiv rayon Nizami rayonu olub.
Dekabrda ən bahalı torpaq sahəsi Bakının Nəsimi rayonundakı torpaq bazarında təklif olunub - bir sotu - 230 min dollar, ən ucuz isə - Abşeron rayonunda - bir sotu 350 dollar.
Dekabrda Bakının torpaq bazarında 785,4 hektar torpaq təklif olunub ki, onun da 78 faizi boş sahələr, qalanı isə yeni və köhnə yaşayış sahələrinin payına düşür.
Bazarda torpağın ekspozisiya müddəti 1,1 faiz azalıb.
