Azərbaycan, Bakı, 26 yanvar/Trend, müxbir Ü.İsmayılova/
Azərbaycanda turizm informasiya mərkəzlərinin sayı artırılacaq. Bu barədə çərşənbə günü Azərbaycan Turizm Assosiasiyasının rəhbəri Nahid Bağırov deyib.
"Turizm informasiya mərkəzlərinin sayının artırılması Azərbaycana gələnlərin ölkədə fəaliyyət göstərən bütün turizm obyektlərindən istifadə etmələri üçün vacibdir", - Bağırov bildirib.
Onun sözlərinə görə, hazırda Bakıda artıq üç belə mərkəzdən biri şəhərin mərkəzində, digər ikisi isə Heydər Əliyev Beynəlxalq Aeroportunun şimal və cənub terminallarında fəaliyyət göstərir.
Bağırovun sözlərinə görə, əsasən turistlər üçün maraq kəsb edən ölkə regionlarında - Şəki, Şamaxı, Gəncə, Quba, Xaçmaz və Zaqatalada da turizm informasiya mərkəzləri fəaliyyət göstərir.
"Turizm informasiya mərkəzlərinin sayının artması bu sahədə xidmətlərin inkişafı, eləcə də turistlərin ölkəyə gəlmələrinin yaxşılaşdırılması çərçivəsində əhəmiyyət kəsb edir", - Bağırov hesab edir.