Azərbaycan, Bakı, 27 yanvar /Trend, müxbir A.Axundov/
2010-cu ildə 486 381 Azərbaycan vətəndaşı Türkiyəyə səfər edib ki, bu da ötən ilin göstəricidən 14,67 faiz çoxdur. Məlumatı Türkiyənin Mədəniyyət və Turizm Nazirliyi yayıb. 2009-cu ildə Türkiyəyə 424 155 Azərbaycan vətəndaşı səfər edib.
2010-cu ildə Türkiyəyə səfər edən əcnəbilərin ümumi sayının 1,7 faizi azərbaycanlıların payına düşüb. 2009-cu ildə bu göstərici 1,57 faiz olub.
2010-cu ildə Türkiyəyə səfər edən xarici vətəndaşların ümumi sayı 28,632 milyon nəfər təşkil edib ki, bu da 2009-cu ildəki göstəricini 5,74 faiz üstələyib. Bu dövr ərzində daha çox sayda əcnəbi Almaniya, Rusiya, Böyük Britaniya və İrandan gəlib.
2010-cu ilin dekabrında Türkiyəyə 40 998 Azərbaycan vətəndaşı gəlib (turistlərin ümumi sayından 3,52 faiz). 2009-cu ilin dekabrında bu isə ölkəyə 32 314 Azərbaycan vətəndaşı (2,64 faiz) səfər etmişdi.
