Azərbaycan, Bakı, 16 fevral /Trend, müxbir N.İsmayılova/
Azərbaycan Bank Tədris Mərkəzi (ABTM) bank sektoru üçün tədris proqramlarının həyata keçirilməsindən əldə edilən gəlirlərin xüsusi çəkisini üç il ərzində 28,6 faiz azaltmağı planlaşdırır. Bu barədə çərşənbə günü Trend-ə mərkəzin direktoru Cavanşir Abdullayev deyib.
"Hazırda bank sektorundan gəlirlərin xüsusi çəkisi 70 faiz təşkil edir və biz üç il ərzində onu 50 faiz səviyyəsinədək azaltmağı planlaşdırırıq", - Abdullayev bildirib.
Onun sözlərinə görə, dünya maliyyə böhranı zamanı ABTM-in digər sektorlardan sifarişi və gəliri kəskin şəkildə artıb. Belə ki, ötən il gəlirlərin həcmi 30 faiz artıb. ABTM-in gəlirləri ötən il ərzində bir milyon dollara yaxın olub.
"Bu ona görə olub ki, böhran dövründə məsləhət almağa tələbat artıb", - o qeyd edib.
