Azərbaycan, Bakı, 2 mart /Trend, müxbir Ü.İsmayılova/
Azərbaycanda iri sement istehsalçısı "Qaradağ Sement" ASC istehlakçıları sement alan zaman daha diqqətli olmağa çağırır. Trend-in məlumatına görə, bu barədə strukturun çərşənbə günü yaydığı məlumatda deyilir.
"Son aylar ərzində aşkar edilib ki, bəzi sement istehlakçılarına "Qaradağ Sement" zavodunun orijinal məhsulu qismində aşağı qiymətə saxta qalaq sementi təklif olunub. Alıcılara sübut kimi saxta qaimə təqdim edilib", - məlumatda deyilir.
Bununla əlaqədar "Qaradağ Sement" ASC müştərilərin və digər sement istehlakçılarının diqqətinə çatdırır ki, orijinal yüksək keyfiyyətli sementin alınması üçün bilavasitə zavoda müraciət etsinlər.
"Bütün müştərilər üçün sementin qiyməti eynidir", - məlumatda deyilir.
Cədvəldə tikinti şirkətləri, beton zavodları və digər alıcılar üçün "Qaradağ Sement" şirkətinin məhsullarının real qiyməti əks olunub. Qiymətlər 15 oktyabr 2010-cu ildə təsdiq edilib:
|
Məhsul |
Növ |
Zavoddan satış qiyməti |
|
|
ƏDV-siz |
ƏDV ilə |
||
|
AZN/tоn |
AZN/tоn |
||
|
SEM II/B-P 32,5 R OPTIMAL |
qalaq |
90 |
106.2 |
|
SEM II/B-P 32,5 R OPTIMAL |
kisə |
115 |
135.70 |
|
SEM II/B-P 32,5 R SPESIAL |
kisə |
121 |
142.78 |
|
SEM II/B-P 32,5 R SPESIA |
qalaq |
101 |
119 |
|
SEM II/A-P 42,5 R EKSPERT |
kisə |
105 |
124 |
|
SEM II/ B- P 32,5 R /ППЦ 400 SOLID |
qalaq |
132 |
156 |
|
SEM I 52.5 N EKSPERT PLUS |
qalaq |
115 |
135.70 |
|
SEM I 52.5 N EKSPERT PLUS |
kisə |
128 |
151.04 |
"Qaradağ Sement" ASC Azərbaycanda sement və klinkerin yeganə istehsalçısıdır. Şirkət ölkə bazarının böyük hissəsini həm yerli, həm də beynəlxalq standartlara cavab verən yüksək keyfiyyətli məhsulla təmin edir.
Qaradağ sement zavodunun əsasında 1999-cu ildə yaradılan "Qaradağ Sement" ASC qısa müddət ərzində Azərbaycanın daxili bazarında böyük uğurlar qazanıb.
Hazırda "Qaradağ Sement" ASC-nin məhsulundan Azərbaycanda özündə qlobal enerji layihələrini də birləşdirən böyük tikinti layihələrinin həyata keçirilməsində geniş istifadə olunur.