Qazaxıstan, Astana, 14 mart /Trend, müxbir A.Maratov/
MDB ölkələrində islam maliyyələşməsi fəal inkişaf edəcək. Bu barədə Qazaxıstan Baş naziri müavininin müşaviri, sənaye və yeni texnologiyalar naziri Yerlan Baydaulet İslam maliyyələşməsi üzrə II Qazaxıstan konfransının sonunda bildirib.
Belə bir fikrə İstanbulda keçirilən [iki həftə əvvəl] görüşdə islam maliyyələşməsinin inkişaf məsələlərini müzakirəsi zamanı beynəlxalq və milli islam tənzimləyiciləri də gəliblər.
"İslam maliyyələşməsinin inkişafı üçün Azərbaycan, Tatarıstan hökumətləri tərəfdən dəstək var. Lakin yalnız bizdə [Qazaxıstanda] islam maliyyə institutlarının inkişafı sistemli aparılır", - Baydaulet deyib.
Onun sözlərinə görə, bütün MDB məkanında yalnız təkcə Qazaxıstan bu sahədə qanun qəbul edib, digər ölkələrdə isə islam maliyyə institutları öz işlərinə cari qanunvericiliyə uyğunlaşmaqla başlayırlar və bəzi ayrı-ayrı əməliyyatlar aparırılar.
"Məsələn, Azərbaycanda cari qanunvericilik çərçivəsində işləyən İslam İnvestisiya Şirkəti və lizinq şirkəti yaradılıb. Qırğızıstanda isə əvvəllər adi bank olub, sonralar islam bankına çevrilib. Belə işlər Tacikistanda və Tatarıstanda da fəal şəkildə aparılır", - Baydaulet qeyd edib.
Qazaxıstanda cari ilin iyun ayının sonunadək Maliyyə Nazirliyi tərəfindən Parlamentə təqdim edilən suveren və korporativ "sukuk" ("sukuk" ərəb dilindən tərcümədə "qəbz" deməkdir) haqqında qanun layihəsinin qəbul olunacağı gözlənilir.